Haziri fajësoi Policinë dje, sonte e mbrojti
Çlirim Haziri, organizatori i protestës së përnatshme "Jo në emrin tim" në sheshin "Skënderbeu", sot në orën 11:40 fajësoi Policinë për thyerjen e këmbës së një protestuesi natën e kaluar me gaz lotsjellës. Sonte, në orën 21:56, protestuesit vetë hodhën mjete piroteknike drejt Qeverisë së Kosovës — disa ranë pranë Policisë — dhe një protestues u lëndua si pasojë e tyre. Këtë herë ishte Policia që ndihmoi të lënduarin në vend, dhe vetë Haziri u kthye te turma me një mesazh tjetër: "Policia është e jona. Ne kemi dal për të protestuar, jo me u përlesh me policinë."