AAK refuzoi takimin. Sot mbaron afati për president
SOT skadon afati kushtetues 60-ditor për zgjedhjen e Presidentit të Kosovës — nëse nuk zgjidhet sot, Kuvendi shpërndahet automatikisht dhe vendi shkon në zgjedhje të reja brenda 45 ditësh, më së largu më 15 nëntor. Do të ishte zgjedhja e katërt parlamentare brenda dy vitesh.
Kurti dhe kreu i PDK-së, Bedri Hamza, u takuan orë të tëra të hënën pasdite pa dhënë deklaratë. AAK-ja refuzoi çdo takim me Kurtin për çështjen e presidentit, ndërsa deputeti Ramush Haradinaj e akuzoi kryeministrin se synon ta çojë vendin në zgjedhje.