Edhe nëse votojnë sot, ligji për Specialen s'mbyllet dot
Protestuesit kaluan natën para Kuvendit, duke kërkuar votimin e ndryshimeve në Ligjin për Dhomat e Specializuara. Por sipas Eugen Cakollit (KDI), rregullat e vetë Kuvendit kërkojnë të paktën tri ditë mes dy leximeve — që do të thotë se miratimi përfundimtar s'mund të vijë para 8 tetorit. Afati kushtetues për zgjedhjen e Presidentit mbyllet më 6 tetor; nëse s'zgjidhet, Kuvendi shpërndahet vetë dhe vendi shkon në zgjedhje të parakohshme brenda 45 ditësh.