3 takime, 1 javë, zero marrëveshje për presidentin
Kurti kishte thënë të premten se fundjava do të jetë vendimtare për zgjedhjen e presidentit. Të shtunën, kryeministri u takua radhazi me liderin e LDK-së Lumir Abdixhikun dhe me kreun e PDK-së Bedri Hamza — asnjë takim nuk solli marrëveshje. Ishte takimi i tretë mes Kurtit dhe Hamzës brenda shtatë ditësh (27 shtator, 2 tetor, 3 tetor), të tria pa rezultat. PDK e kushtëzon zgjedhjen e presidentit me miratimin e Ligjit për Dhomat e Specializuara. Kuvendi ka afat deri më 6 tetor — nëse presidenti nuk zgjidhet, vendi shkon në zgjedhje të reja.