Kosova eksporton. Por paguan më shumë se duhet.
Sot, Kosova dërgoi drejt Zvicrës dërgesën e parë sipas marrëveshjes Kosovë-EFTA: shtëpi modulare nga një kompani në Pejë. Por një ditë më parë, vetë kryeministri Kurti i tha presidentes së Komisionit Evropian, Ursula von der Leyen: Kosova është i vetmi vend nga 'Ballkani Perëndimor Gjashtë' ende jashtë marrëveshjes evropiane për njohjen e akreditimit — ndonëse tashmë zbaton standardet evropiane, me kosto shtesë për bizneset e veta. Kurti i kërkoi asaj edhe anëtarësimin në Konventën për Tranzitin e Përbashkët dhe në organizatat evropiane të standardizimit.