Kuvendet shtuan 2 emra — por dënimet e tyre s'ishin të reja
Kuvendet Komunale të Rahovecit dhe Prishtinës miratuan sot deklarata të veçanta kundër vendimit të shkallës së parë të Dhomave të Specializuara ndaj Thaçit, Veselit, Krasniqit dhe Selimit — verdikt vetëm nëntë ditësh i vjetër, ende pa apel të vendosur. Në të dy deklaratat u shtuan edhe emrat e Pjetër Shalës dhe Sali Mustafës, të konsideruar po ashtu 'të dënuar padrejtësisht'. Por dënimet e këtyre të fundit janë tashmë përfundimtare: Mustafa mori dënim final prej 15 vjetësh nga Apeli i Dhomave të Specializuara në shtator 2024 — dy vjet më parë; Shala mori dënim final prej 13 vjetësh nga Apeli në korrik 2025 — vitin e kaluar. Vetë Prokuroria e Specializuar ka thënë që në 2021 se nuk akuzon UÇK-në si ushtri, vetëm individë të veçantë.