Kosova mbylli konsullatën në Strugë. Pas presionit?
Ambasada e Kosovës në Shkup njoftoi se Konsullata e Përgjithshme e Republikës së Kosovës në Strugë është mbyllur, bazuar në Dekretin Nr. 150/2025 dhe Vendimin zbatues Nr. Ref. 261/2026 të Ministrisë së Punëve të Jashtme dhe Diasporës. Shërbimet konsullore për shtetasit e Kosovës në Maqedoninë e Veriut përqendrohen tani në Ambasadën në Shkup; në Strugë mbetet vetëm një zyrë e Konsullit Nderi. Sipas StrugaLajm, ish-Konsulli i Përgjithshëm, Agim Krasniqi, i cili la detyrën pas shtatë vitesh, ka pretenduar se vendimi erdhi nën presionin e Qeverisë së Kosovës -- ndërsa lajmi qarkullonte që në korrik pa asnjë sqarim publik nga Prishtina.