Pagesa nis para apelit. Një jurist e kundërshton.
Trupi Gjykues i Dhomave të Specializuara, i kryesuar nga gjyqtari Charles Smith, urdhëroi më 16 shtator — po ditën e dënimit prej 81 vjetësh ndaj Hashim Thaçit, Kadri Veselit, Rexhep Selimit dhe Jakup Krasniqit — fillimin e procedurës për kompensimin e viktimave. Avokati Ardian Bajraktari e quan këtë të parakohshme, sepse dënimi ende nuk është i formës së prerë dhe apeli s'ka nisur. Ish-kryetari i Gjykatës Supreme, Fejzullah Hasani, thotë të kundërtën: kërkesa pasurore-juridike zakonisht vendoset njëkohësisht me çështjen penale. Mbrojtja ka deri më 22 shtator ta kundërshtojë fillimin e procedurës.