BQK: nga 100 milionë në deri 50 miliardë euro
BQK ka marrë konfirmimin për përfshirje në mekanizmin e avancuar EUREP të Bankës Qendrore Evropiane — një kornizë e përhershme që zëvendëson linjën aktuale, të kufizuar në 100 milionë euro dhe të vlefshme vetëm deri në janar 2027. Tavani maksimal i një linje sipas EUREP mund të arrijë deri në 50 miliardë euro, por shuma konkrete për Kosovën ende s'është caktuar — përcaktohet sipas nevojave të vlerësuara dhe kolateralit të pranueshëm. Guvernatori Ahmet Ismaili e ka cilësuar zhvillimin një shtresë shtesë mbrojtjeje për sistemin financiar të Kosovës.