VV s'i refuzon votat. Refuzon vetëm dy emra
Kuvendi i Kosovës vazhdoi sot (11 shtator) seancën konstituive, por VV nuk voton dy nga pesë kandidatët për nënkryetarë — Vlora Çitaku (PDK) dhe Kujtim Shala (LDK) — sepse, thotë VV, të dy janë deklaruar kundër çdo marrëveshjeje për presidentin. Më 10 shtator VV kërkoi hapur që PDK dhe LDK t'i ndërrojnë kandidatët; të dyja partitë refuzuan menjëherë. Pa nënkryetarë, Kuvendi nuk konsiderohet i konstituuar dhe nuk nisin afatet për qeverinë e re dhe zgjedhjen e presidentit. Sot, në rifillimin e seancës, vetëm deputetët e PDK-së ishin në sallë në kohë.