Hamza: Kushtetuta vendos. Pastaj erdhi Amerika.
Të mërkurën, kryetari i PDK-së Bedri Hamza tha se çështja e nënkryetarëve të Kuvendit e vendos vetë Kushtetuta, jo negociatat. Të enjten, diplomatja amerikane Anu Prattipati u pa duke dalë nga selia e PDK-së, pasi kishte takuar edhe kryetarin e LDK-së, Lumir Abdixhiku — të dyja seli partish, një pasdite. Nesër, Kuvendi i Kosovës rikthehet për të votuar vetëm një pikë: nënkryetarët, votim pa të cilin s'mund të nisë as zgjedhja e presidentit. Arsyeja e bllokadës, sipas VV-së: kandidatët e propozuar nga PDK e LDK kanë thënë publikisht se s'do ta votojnë presidentin.