Zero parti, 14 organizata: rasti ishte aty që më 12 gusht
Deputeti i Aleancës, Burim Ramadani, pyeti sot nëse Kosova do të ketë «një rast të ri për Gjykatën Kushtetuese». Katër portale e bartën pyetjen. Askush nuk shkoi ta shihte nëse përgjigjja ekziston.
Ekziston, dhe është e datës 12 gusht 2026. Rrjeti AVONET dhe 13 organizata të tjera të shoqërisë civile i dorëzuan Gjykatës Kushtetuese një kërkesë sipas Rregullit 60 të Rregullores së Punës. Ajo kërkesë nuk lyp aktgjykim të ri — lyp që Gjykata të konstatojë moszbatimin e Aktgjykimit të vet KO124/25 dhe, nëse e konstaton, të njoftojë Kryeprokurorin e Shtetit.
Nënshkruesit janë katërmbëdhjetë. Asnjëri nuk është parti. Sipas Radios Evropa e Lirë, që nga shkelja e afatit më 7 gusht, asnjë parti nuk i është drejtuar Gjykatës për këtë çështje.
Dhe fakti që nuk i shkon për shtat askujt: afati kushtetues vërtet ka kaluar. Sipas certifikimit të 8 korrikut dhe afatit 30-ditor të KO124/25, ai skadoi më 7 gusht. Lëvizja Vetëvendosje e numëron nga hapja e seancës më 6 gusht — por edhe ajo llogari skadoi më 6 shtator.