8 ditë: afati që PDK-ja e lë pas 16 shtatorit
PDK-ja merr pjesë sot në vazhdimin e seancës konstituive dhe deputeti i saj Përparim Gruda e quan këtë një «lëshim» — për shkak të 16 shtatorit, ditës kur në Hagë lexohet aktgjykimi për katër ish-krerët e UÇK-së. Në të njëjtën dalje ai tha se PDK-ja do të vendosë PAS 16 shtatorit nëse do ta dërgojë në Gjykatën Kushtetuese shkeljen e afateve për konstituimin e Kuvendit, «sepse kemi afat tetë ditë».
Askush nuk e kontrolloi atë fjali. Neni 113.5 i Kushtetutës u jep dhjetë a më shumë deputetëve tetë ditë NGA DITA E MIRATIMIT të vendimit të Kuvendit. Nëse Kuvendi konstituohet sot, 9 shtator, atëherë 16 shtatori është dita e shtatë e atij afati.
Dhe fakti që nuk i shkon për shtat askujt: afati kushtetues 30-ditor skadoi më 7 gusht 2026 dhe Kuvendi nuk u konstituua. Për këtë PDK-ja ka të drejtë.