«Bota ka ec, na kemi ngec» — çka thotë raporti i PISA-s
Analisti Dardan Sejdiu shkroi sot për rezultatet e PISA 2025: «Pas gjashtë vjetësh qeverisjeje, fëmijët tanë po dalin me rezultate më të dobëta… Bota ka ec. Na kemi ngec.»
Raporti i OECD-së, botuar po sot, thotë diçka tjetër për botën: leximi te vendet e OECD-së ra 28 pikë mes 2015-ës dhe 2025-ës — rënia më e madhe e matur ndonjëherë dhe niveli mesatar më i ulët në historinë e PISA-s. Matematika ra 22 pikë. Kosova, në të njëjtat dhjetë vjet, ra 7 pikë në lexim (347 → 340). Pra në lexim bota ra katër herë më shpejt.
Por aty ku bota mbajti më mirë, ne ramë më keq: shkenca në Kosovë ra 21 pikë që nga 2015-a (378 → 357), ndërsa OECD-ja e quan shkencën lëndën më rezistente të dhjetëvjeçarit. Kosova mbetet nën mesataren e OECD-së në të katër treguesit.
Shënim: Kosova nis nga një bazë shumë më e ulët, pra një rënie më e vogël në pikë është pjesërisht mekanike. Ky video nuk thotë se Kosova po ecën më mirë se bota — thotë vetëm se pohimi «bota ka ec» nuk qëndron.