PISA 2025: kush i drejton shkollat, ministria apo komuna?
Deputetja e LDK-së, Jehona Lushaku-Sadriu, i quajti sot rezultatet e PISA 2025 «turpi qeveritar». Për një gjë ka të drejtë: midis PISA 2022 dhe PISA 2025 asnjë rezultat nuk u ngrit — matematika ra pesë pikë, leximi dy, shkenca mbeti në vend.
Por Ligji Nr. 03/L-068 për Arsimin në Komunat e Republikës së Kosovës u jep komunave kompetenca «të plota dhe ekskluzive» për arsimin parashkollor, fillor dhe të mesëm: punësimin e mësuesve (neni 5.c), zgjedhjen e drejtorit të shkollës (5.d) dhe monitorimin e vijueshmërisë së nxënësve (5.l). Raporti i sotëm nxjerr pikërisht vijueshmërinë si alarm: 54% e nxënësve kishin munguar të paktën një ditë në dy javët para testit.
Jehona Lushaku-Sadriu ishte nënkryetare e Prishtinës dhe drejtoreshë e Arsimit të kryeqytetit nga 9 shkurti 2024 deri më 27 mars 2025. Testi PISA u mbajt gjashtë javë më vonë, më 10–30 maj 2025.