Qeveri

Nesër Kurti s'ka nevojë për opozitën — po emri?

8 shtator 2026

Kryeministri në detyrë Albin Kurti u pyet sot nëse Vetëvendosje do të propozojë kandidat për kryetar të Kuvendit në seancën e 9 shtatorit. U përgjigj vetëm: «Nesër e kanë thirr seancën e Kuvendit, ne do të jemi aty.» Emrin nuk e tha.

Ajo që portalet nuk e vunë pranë deklaratës: neni 67.2 i Kushtetutës ia jep të drejtën e propozimit të kryetarit të Kuvendit VETËM grupit më të madh parlamentar. Kthimi i opozitës në sallë nuk e zhbllokon dot seancën, sepse asnjë parti tjetër nuk mund të propozojë.

Dhe vitin e kaluar, kur LVV-ja nuk i kishte 61 votat, ajo propozoi pesë emra me radhë — Albulena Haxhiu, Hekuran Murati, Arbërie Nagavci, Donika Gërvalla, Dimal Basha. Sot, kur me subjektet e komuniteteve joshumicë numri i mjafton, nuk ka propozuar asnjë.

Arsyeja e tij, e thënë hapur më 6 gusht: «Na duhet pajtueshmëri sa më i gjerë për presidentin unifikues.» Neni 86.6 tregon pse — nëse presidenti nuk zgjidhet as në raundin e tretë, Kuvendi shpërndahet dhe zgjedhjet mbahen brenda 45 ditësh.

Shiko videon →

Burimet

← Të gjitha lajmet