Thotë se Kurti s'ka plan. Ishte zëvendësi i tij.
Sonte, në Klan Kosova, ish-deputeti Haki Abazi tha se çfarëdo vendimi të merret në Hagë, Serbia do të tentojë ta destabilizojë Kosovën — dhe se Albin Kurti nuk ka dalë para publikut me planin për ta mbrojtur Republikën dhe njerëzit në Hagë.
Asnjë portal nuk e tha kush është folësi. Haki Abazi ishte zëvendëskryeministër i Qeverisë Kurti I, nga 3 shkurti deri më 3 qershor 2020. Në Vetëvendosje e solli vetë Albin Kurti, me një postim publik më 20 gusht 2019: «Haki Abazi na u bashkua në VETËVENDOSJE… një vlerë të shtuar në Lëvizjen tonë.» Tre vjet pas asaj qeverie, në shkurt 2023, Abazi u nda prej tij me fjalët «Kurti, këtu ndahen rrugët tona përfundimisht».
Aktgjykimi ndaj Hashim Thaçit, Kadri Veselit, Jakup Krasniqit dhe Rexhep Selimit shpallet më 16 shtator 2026, ora 10:00 — nëntë ditë nga sot. Kuvendi i Kosovës ende nuk ka kryetar; seanca konstituive është më 9 shtator.