Letra e vitit 2014 që askush nuk e përmendi sot
Ish-presidentja Atifete Jahjaga mbështeti sot Marshin për Liri të 12 shtatorit, në përkrahje të Hashim Thaçit, Kadri Veselit, Jakup Krasniqit dhe Rexhep Selimit. Katër portale e dhanë lajmin. Asnjëri nuk shkroi se pikërisht ajo, si Presidente e Republikës, e nënshkroi shkëmbimin e letrave të 14 prillit 2014 me Përfaqësuesen e Lartë të BE-së — hapi që, sipas faqes zyrtare të vetë gjykatës, i paraprin themelimit të Dhomave të Specializuara.
Në letrën e saj ajo shkroi se, nëse hetimet përfundojnë me aktakuzë, duhet siguruar një gjykatë e specializuar brenda sistemit gjyqësor të Kosovës, e zhvendosur në një shtet të tretë. Nëntë ditë më vonë, më 23 prill 2014, Kuvendi e ratifikoi me Ligjin nr. 04/L-274. Më 3 gusht 2015 Kuvendi votoi amendamentin 24 — 82 vota pro, 5 kundër, 1 abstenim.
Marshi mbahet më 12 shtator, ora 14:00, në sheshin "Skënderbeu" në Prishtinë. Aktgjykimi i shkallës së parë shpallet më 16 shtator 2026, ora 10:00 CET. Katër ditë diferencë.
Të katër të akuzuarit janë deklaruar të pafajshëm. Ky video nuk paragjykon verdiktin në asnjë drejtim.
Burimet
- Dhomat e Specializuara të Kosovës — Background
- Dhomat e Specializuara — data e aktgjykimit
- Fleta e rastit KSC-BC-2020-06
- Fondi për të Drejtën Humanitare Kosovë, analizë (qershor 2021)
- Ligji nr. 04/L-274, Gazeta Zyrtare
- Gazeta Express (04.09.2026)
- Indeksonline (04.09.2026)
- Ekonomia Online (04.09.2026)
- KosovaPress — 11 vjet nga miratimi i Gjykatës Speciale
- Sinjali — votimi i 3 gushtit 2015